Iazko txapelketako argazkia
Igandean izango da XXX. Azkoitia Hiria Xake Txapelketa; Joxe Azkue Memorialaren izena hartuko duela ere jakinarazi dute. 10:00etan hasiko da kontzejupean. Anaitasuna Kakute Xake Taldeak antolatu du urtero legez, eta lau jokalaritako hamabi taldek osatuko dute txapelketa. Partidako, jokalari bakoitzak bost minutu izango ditu.
Joxe Azkue zenari omenaldia egingo diote xake taldean egin zuen lan guztiagatik. “Joxek lan asko egiten zuen taldean; gazteei babes handia eskaintzen zien”, azaldu dute taldetik.
